Хоккейші қыздарымыз қоғадай жапырды

Болгарияның София қаласында жасөспірім қыздар арасында әлем чемпионаты өтті. II дивизионның B тобында сынға түскен хоккейден қыздар құрамасы қарсыластарының барлығын айқын басымдықпен ұтып, В тобында көш бастады. Олар Болгарияның хоккейші қыздарын 8:1, Жаңа Зеландия қыздарын 7:1, Бельгия құрамасын 5:3, Эстония хоккейші қыздарын 8:0 есебімен ұтты. Әлем чемпионатының соңғы матчында Исландия жастарына қарсы айдынға шығып, 7:0 есебімен ойсырата ұтты. София Зубкова үш шайба, София Раковская екі шайба соқты. Мадина Нүсіпова мен Анастасия Филимонова да еншісіне бір-бір шайбадан жазды. Бес матчта да жеңіске жеткен қыздарымыз ІІ дивизионның А тобына өтті. Енді келер жылы осы кіл мықтылар ойнайтын топта бақтарын сынайды.

JQ-Aqparat