jasqazaq.kz

Ферманы есірткі зертханасына айналдырған

30 қантар 2023, 13:38

Алматы облысының полицейлері Іле ауданы аумағында ірі көлемдегі есірткі жасайтын зертхананы анықтап, жолын кесті. Бұл туралы онлайн өткен баспасөз мәслихатында ішкі істер министрлігінің өкілі Шұғыла Тұрлыбек айтты: «Алматы облысында полицейлер есірткі өндірісін тоқтатты. Іле ауданының есірткі қылмысына қарсы іс-қимыл департаменті қызметкерлері Алматы облысындағы әріптестерімен бірлесіп, есірткі зертханасын құрмақ болғандардың жолын кесті. Межреченск кенті маңындағы құрылыс полицейлердің назарын аударды. Белгісіз біреулер 1 гектар жерді таспен қоршап, ауыл шаруашылығына қатысы жоқ жабдықтар әкеліп, трансформаторды электр желісіне қосқан. 20 канистрді прекурсорлармен тасымалдау кезінде полицейлер екі жергілікті тұрғынды ұстады».

Ұсталғандардан психоактивті заттар табылған.

«Ферманы күдіктілердің бірі оны 18 млн теңгеге сатып алған. Учаскені биік етіп қоршап, көзден тасалаған және уақытша баспана, монша мен гараж салған. Күдіктілер сырт көзді алдау үшін мал ұстайтын орындарды да қарастырған. Есірткі жасауға арналған бөлек бөлме дайындаған. Есірткі зертханасының іші толық жабдықталған», — деді Ш.Тұрлыбек.
Оның айтуынша, күдіктілерден есірткі өндіруге арналған жабдықтар мен 1000 литрден астам прекурсор тәркіленді. Қылмыстық іс қозғалды.

JQ-Aqparat

Бүгін, 14:19
Шымкент: Auezov University-де Форсайт орталығы мен AI Media Studio ашылды
Бүгін, 14:06
Марат Нағұманов: Әскери реформа – жаңа сипаттағы армия құру жолындағы стратегиялық қадам
16 қараша, 15:35
Алматыда экологиялық талаптар күшейтілді
16 қараша, 15:17
Сұлтанғали Кенжеқұлов: Инвестиция жаңа өндіріс орындарын ашып, озық технология енгізуге жол ашады
16 қараша, 14:05
Қорғаныс саясатындағы стратегия: жаңа тұрпатты Қарулы Күштер
16 қараша, 14:04
Шымкентте 200 орындық заманауи перинаталдық орталық салынуда
13 қараша, 17:34
Қазақ елінің баянды бастамасы: Превентивті дипломатия
13 қараша, 15:06
Шымкентте жол-көлік инфрақұрылымын дамыту қарқынды жүріп жатыр
12 қараша, 14:55
Шымкентте қауіпсіздік инфрақұрылымы кеңейіп келеді