Етпен жарылқаймын деп 200 миллион теңгесін қағып кетті (Видео)

10 ақпан 2023, 11:45

Бірнеше адам Ресей федерациясынан арзан бағамен сиыр етін жеткізіп беремін деген алаяққа екі жылда 200 миллион теңге ұстатып тақырға отырған.

«Алаяқтық фактісі бойынша тараздық тұрғындар полицияға арызданған. Олардың айтуынша, белгісіз ер адам Ресей Федерациясынан арзан бағаға сиыр етін сатып алуды ұсынған. Жәбірленушілер келісіп, алаяққа 2020-2022 жылдар аралығында 200 млн теңге аударған. Павлодар полицейлері 36 жастағы күдіктіні ұстады. Ол өз кінәсін толық мойындады. Қазіргі уақытта күдікті уақытша ұстау изоляторына қамалды. Аталған дерек ҚР ҚК-нің 190-бабы 4-бөлігі «Алаяқтық» бойынша тергеу амалдары жүргізіліп жатқанын» мәлім етті Polisia.kz.
Тұрғындардан қомақты қаражатын алдап алған күдіктінің басқа да қылмыстық істерге қатысы бар-жоғы тексеріліп жатыр.