Есірткі саудасын қыздыратын – жарнама

Алматыда осы жылдың басынан бері қарай есірткіні жарнамалайтын 1500-ден аса граффити жойылыпты. Былтыр еріктілер 300 мыңнан астам граффитиді өшірген. Бұл жөнінде «Yаркостоп» жобасының маманы Жанар Нұрсейітова мәлім етті.
2021 жылдан бері жүзеге асып келе жатқан «Наркостоп» о баста граффитилерді өшіруді қолға алса, бүгінде синтетикалық есірткіге тәуелділікті тыю мәселесіне де араласып келеді. Есірткі қылмысына қарсы күресті күшейтуге қаладағы көпқабатты үйлердің аулаларына орнатылған бақылау камераларының да тигізер септігі көп дейді мамандар. Алматылықтар есірткі өнімдерін жарнамалайтын осындай граффитилерді көзі шалса, қалалық полция департаментінің сенім телефонына қоңырау шалып, хабарлай алады. Болмаса «Наркостоптың» жедел желісімен де байланысуына болады.

JQ-Aqparat