Ернар Айдар әке атанды

Әнші Ернар Айдардың жұбайы бүгін үшінші қызын дүниеге әкелді. Өнер иесі сүйінші жаңалығымен инстаграм желісінде бөлісті,- деп жазды JQ-Aqparat.

Әнші жазбасында: «Сүйінші, ардақты ағайын! Алланың қалауымен қасиетті жұманың таңында тағы да әке атандым. Қызды болдым. Аллаға шексіз шүкір», — деп жазды .
Ал желі қолданушылары әншінің қуанышына ортақтасып, құтты болсын айтты. «Бауы берік болсын», «Жәннатқа баратын болыпсыз», «Қыз келсе, өрістің кеңігені. Қыз — әкенің жанашыры, ақылшысы, ертең қартайғанда бас сүйер қалқаны болады. Бауы берік болсын», — деп жазды желідегілер. Естеріңізге сала кетейік, Ернар Айдар мен жұбайының жаңа туған нәрестеден бөлек 2019 және 2020 жылғы қыздары бар.