Ермегияев жазасын толық өтейтін болды

12 тамыз 2016, 0:12

14 жылға сотталған «Астана ЭКСПО-2017» ұлттық компаниясының бұрынғы басшысына қатысты үкім өзгеріссіз қалды. Бүгін апелляциялық сот сондай шешім шығарды. Ермегиевпен бірге үкіммен келіспеген оның сыбайластары да жазасын түрмеде толық өтемек.

Тергеу материалдарын жіті оқып шыққан судья сотталғандардың бірінің де жазасын кеміткен жоқ. Айта кетсек, «Экспоның» экс-басшысы халықаралық көрмеге бөлінген бюджет ақшасын миллиардтап жеген. Талғат Ермегияев кәсіпкерлерден пара ретінде ақшадан бөлек, қымбат көлік, элиталық үй алған. Сот топ-менеджердің бірнеше компаниядағы үлесін бұғаттап, жер учаскелері мен қымбат коттедждерін тәркілеп алды. Негізі, атышулы процесс бойынша, 20 шақты адамға айып тағылған еді. Алайда олардың тең жартысы кінәларын мойындап, жеңіл жазамен құтылып кетті.

ktk.kz