Еркебұлан Тоқтар: Валентин күні, қазақтың мейрамы емес, тойламаңдар дейтіндерге таң қалам

14 ақпан 2023, 16:35

Жас актер Еркебұлан Тоқтар «Әулие Валентин» мерекесін тойлайтынын айтты. Ол өзінің инстаграм желісінде осы мерекеге орай жазба жариялады. Өнер иесі: «Валентин күні, қазақтың мейрамы емес, тойламаңдар дейтіндерге таң қалам. 1- сыныптан бастап осы күні открытка беретін едік қой. Маған кім береді екен, мен кімге берсем екен деп жүретін едік қой. Мұғалімдер бір-біріне открытка берсін деп бізге арнайы уақыт бөлетін, балалық шақтың қуанышты күндерінің бірі еді 🙂 Негізі ғашығың болса, 14 ақпан ғана емес, 1 жылда қуанышқа толы 365 күн сыйлауың керек. Сондықтан қуаныштан қашпаңдар, Валентин деген сөз ұнамаса, басқа есімдер көп қой. Сүйіктіңнің есімін қойып, Валентин күні емес, сүйіктіңнің күні болсын!», -деп жазды.

Актердің бұл пікірі оқырмандарына ұнамай қалды. Көпшілігі онымен келіспейтінін жазды.
«Ол кезде Валентина күні не екенін білгенде емеспіз. Қазір бізге жат нәрсе екенін енді біліп жатырмыз. Сондықтан бұны тойлаудын қажеті жоқ. Бұл Батыстан келген мейрам».- деп жазды желідегілер.