Ер адам өз әйелін өлтіргенін мойындады

16 тамыз 2016, 12:10

15_08_3-3.mp4_snapshot_02.13_2016.08.15_15.46.40-e1471254688364
Құрбанованың жоғалып кетуіне күйеуінің қатысы бар, ол із-түссіз жоғалды деген әйелін өзі өлтіргенін мойындады, – деп хабарлайды tvk-uko.kz.

Күдікті әйелінің өлі денесін Жібек жолы ауылы маңындағы Келес өзеніне батырып жіберген.

Айта кетейік, алты тәуліктен бері Сарыағаш ауданының 27 жастағы тұрғыны ізделуде. 9 тамыздан бері оны ешкім көрмеген. Ал Нұрипа Құрбанованың туыстары журналистерге оның күйеуінен күдіктенетінін айтқан. Себебі олар үнемі жанжалдасқан және өлтірем деп қорқытқан.

Нұрипа Құрбанова – кәмелеттік жасқа толмаған үш баланың анасы және төртінші балаға аяғы ауыр болған. Бірнеше жылдан бері Сарыағаш ауданы Абай ауылындағы базарда сауда-саттықпен айналысқан. Туыстары оның күйеуімен жиі ұрысатынын және кезекті жанжалдан кейін Нұрипаны таппай қалғандарын айтуда.

inform.kz