Елордада тарихшылар бас қосты

Бүгін Астанада Қазақстан тарихшыларының IV Ұлттық конгресі өтті, деп хабарлайды jasqazaq.kz тілшісі.

Жиынның негізгі мақсаты – тарих ғылымының өзекті мәселелерін талқылап, алдағы атқарылуға тиісті жұмыстың жобасын бағдарлау. Еліміздің түпкір-түпкірінен жиылған ғалымдар өз ойларын ортаға тастап, пікір алмасты. Олар отандық тарих ғылымы мен білімінің өзекті мәселелері, латын әліпбиіне көшу, 100 жаңа оқулық, «Туған жер» бағдарламасы, «Қазақстанның 100 жаңа тұлғасы», Ұлттық код, мәдени белгілер мен құндылықтар деген тақырыптарда сөз өрбітті.

Жиында сөз алған Л.Н.Гумилев атындағы ЕҰУ-нің ректоры Ерлан Сыдықов рухани жаңғыру жолындағы тарих ғылымының маңызына тоқталды.

«Қазақстан Республикасы қазіргі таңда рухани жаңғыруға бетбұрыс жасап отыр. Президенттік өкілеттілікті қайта бөлісуге байланысты туындаған тарихи тәжірибе мен дәстүрлер – экономикалық жаңғыру мен жаңа саяси реформалар, қоғамдық сананы түбегейлі қайта жаңғыртуды қажет етті», – деді Е.Сыдықов.