Елбасы ресми сапармен Біріккен Араб Әмірліктеріне барды

15 қантар 2017, 14:48

Бүгін Қазақстан Президенті ресми сапармен Біріккен Араб Әмірліктеріне барды.

Екі күндік сапар барысында Нұрсұлтан Назарбаевтың Әбу-Даби әмірлігінің тақ мұрагері, БАӘ Қарулы күштері Жоғарғы Бас қолбасшысының орынбасары, шейх Мұхаммед бен Заид Әл Наһаянмен кездесуі жоспарланған. ҚазАқпарат хабарлағандай, сондай-ақ, Елбасы осы күні БАӘ-нің мемлекет қайраткерлерімен және іскер топтар өкілдерімен келіссөздер өткізеді. 16-қаңтар күні ҚР Президентінің Х Дүниежүзілік «Болашақтың энергиясы» саммиті жұмысына қатысуы жоспарланып отыр.