Өскемен қаласының орталығында бауырластар зираты бар. Азаматтық соғыста қаза тапқан боздақтарды жаппай жерлеген қорым осы күнге дейін жекенің иелігінде болған. Анығы, Шығыс Қазақстан облысын Виктор Храпунов басқарған тұста бауырластар зираты жекенің қолына өтіп, «AutoExclusiveKZ» компаниясы иеленді. Бұл компания В.Храпуновтың қылмыстың ісіне қатысы бар үлестесі саналады.
Өскемен қаласының әкімі Жақсылық Омар әлеуметтік желідегі парақшасына былай деп жазды. «Әкімдік қалалық прокуратурамен бірлесіп, қалада компанияға тиесілі учаскелерді алу жөнінде шаралар қабылдады. Билік пен бизнес өкілдерінің жерді иемдену туралы ашық келісімі бар. Бұл учаскеде Ертіс пен амфитеатр орналасқан. Аудандағы Славский мен Пермитин көшелері арасындағы көпірдің астынан жол салу жоспарланды».
Шығысты «жусатып-өргізген» уағында экс-әкім В.Храпунов Шығыстағы ескі атшабардың (ипподром) маңынан да өзіне екі жер учаскесін меншігіне жазып алған. Шенеунік шағында Алматының да шұрайлы жерінен рәсімдеп алғаны да бірталай шуға ұласты. 2007 жылы отбасымен швейцарияға көшіп кеткен шендіні 2018 жылы қазақстан соты 17 жылға сырттай соттаған болатын.
Экс-әкімнің меншігінде болған жерлер мемлекетке қайтарылып жатыр Алдағы уақытта ол орынға жалға берілетін көп қабатты тұрғын үйлері салынатынын жеткізді қала басшысы.
JQ-Aqparat
WhatsApp: +7 705 717 9113
