Екінші тест: Абитуриент екі алды

23 тамыз 2016, 13:22

20160823083509

Биылғы мектеп түлектері екінші тестті де жарытпады. Сынаққа қатысқан 41801 үміткердің 23778-і шекті балды жинай алмады. Бұл туралы Білім және ғылым министрлігі хабарлады.

Бұл жолы да мектеп бітірушілері тыйым салынған заттарды қолданудан аянбады. Ережені бұзған 104 талапкер залдан шығарылды.

Межелі баллды жинаған талапкерлер сертификат алды. Бұлар жоғарғы оқу орнының ақылы бөліміне бара алады. Ал межелі баллды бағындыра алмағандары да ақылы бөлімге қабылданады. Алайда алғашқы академиялық кезеңнен кейін тестті қайта тапсырады. Егер олар осы мүмкіндікті жіберіп алса, жоғарғы оқу орнынан шығарылады.