Екібастұзда тағы да жылу құбыры жарылды (Видео)

06 ақпан 2023, 11:46

Былтыр Екібастұзда жылу жүйесінен ақау шығып, қаланың 13 мыңнан астам тұрғыны қақаған қыста жайсыздыққа ұрынды. Қалада төтенше жағдай жарияланып, екібастұздықтар жылу мен ыстық судан қол үзіп әбден әбігерге түскен болатын.

Әлеуметтік желіге Екібастұз қаласының тұрғыны Мәшһүр Жүсіп көшесіндегі жылу құбырының жарылғанын жариялады. «Жығылғанға жұдырық» болып тозығы жеткен құбырлар қатты аязға шыдас бермей әр тұсынан жарылып жатыр.

Президент Қасым-Жомарт Тоқаев премьер-министрдің бірінші орынбасары Р. Склярға және Павлодар облысының облыс әкімі Асайын Байхановқа қаладағы пәтерлер мен нысандарда температураны тұрақтандыруды тапсырды. Мемлекет басшысы жауапты орындарға жылу жүйесін қалпына келтіріп, жөндеу жұмыстарын бақылауда ұстауға тапсырма берді.

JQ-Aqparat