
Екібастұз қаласындағы су басқан үйден екі адамның мәйіті табылды. Бұл туралы Polisia.kz хабарлады. 13 ақпан күні Екібастұз қаласының тұрғынынан Бұқар жырау көшесіндегі үйдің жылыту радиаторы жарылып, үйдің ішін су басқаны туралы хабарлама түскен. Шақыртуды пысықтау барысында үйден 1959 жылы туған ер адам мен 1965 жылы туған әйелдің мүрдесі табылды. Мәйіттерде ешқандай зорлық-зомбылық белгілері болмаған.
«Тексеру кезінде қонақ бөлмесінде еденде электр жылытқышы тұрғаны және оның сымдары ашық жатқаны анықталды. Бұл факті Екібастұз қаласының ПБ-да тіркелгенін» мәлімдеді Polisia.kz.
JQ-Aqparat