jasqazaq.kz

ЕҚЫҰ «Масс медиа туралы» заң жобасынан хабардар болды

27 ақпан 2023, 23:39

 

 

Отандық ақпарат кеңістігінің дамуына тың серпін беретін жаңа “Масс-Медиа туралы заң” жобасы төңірегінде кейде сыңаржақ пікір айтылып, бір қайнауы кем тұжырым жасалып жатыр. Тіпті, көпе-көрнеу бұрмалауға бой ұрып, құжаттың мән-маңызын төмендеткісі келетіндер бар. Мұны кәсіби журналистиканың қыр-сырын жетік біле бермейтін үкіметтік емес ұйымдар мен медиасарапшылардың заң жобасына берген бағасынан байқап жүрміз. Олар әдетте шетелдік тәжірибені алға тартады.
Бұл жерде халықаралық ұйымдардың құжаттың мазмұны мен ерекшелігінен толық хабардар болып, соның негізінде ұстанымын айқындауы үлкен мәнге ие. Осыған орай, Ақпарат және қоғамдық даму министрі Дархан Қыдырәлі Еуропадағы қауіпсіздік және ынтымақтастық ұйымы (ЕҚЫҰ) Астана Бағдарламалар Кеңсесінің басшысы Фолткер Фробартпен кездесті. Жүздесуде елімізде қазір талқыланып жатқан “Масс-Медиа туралы заң” жобасы бойынша пікір алмасып, ондағы кейбір нормалар пысықталды. Заң жобасы, әсіресе, кәсіби журналистердің мәртебесін көтеруге бағытталғаны баса айтылды.
ЕҚЫҰ өкілдерімен кездесуде, сондай-ақ, онлайн-платформалар мен интернет-жарнаманың қызметін реттеуге арналған жеке заң қабылданатыны, ақпаратқа қол жеткізу жөніндегі заңнамаға түзетулер енгізілетіні әңгімеге өзек болды.
Дархан Қыдырәлі министрліктің ЕҚЫҰ Астана Бағдарламалар Кеңсесімен тығыз қарым-қатынас орнатып, бірқатар іс-шараны бірлесе өткізіп жатқанын атап өтті.
JQ-Ақпарат

 

16 қараша, 15:35
Алматыда экологиялық талаптар күшейтілді
16 қараша, 15:17
Сұлтанғали Кенжеқұлов: Инвестиция жаңа өндіріс орындарын ашып, озық технология енгізуге жол ашады
16 қараша, 14:05
Қорғаныс саясатындағы стратегия: жаңа тұрпатты Қарулы Күштер
16 қараша, 14:04
Шымкентте 200 орындық заманауи перинаталдық орталық салынуда
13 қараша, 17:34
Қазақ елінің баянды бастамасы: Превентивті дипломатия
13 қараша, 15:06
Шымкентте жол-көлік инфрақұрылымын дамыту қарқынды жүріп жатыр
12 қараша, 14:55
Шымкентте қауіпсіздік инфрақұрылымы кеңейіп келеді
10 қараша, 20:03
«COP31»: Әділ, теңгерімді көзқараспен нақты нәтижеге
10 қараша, 16:00
Азамат Ешанқұл: Алматыдағы қоғамдық көліктің 81,2%-ы экологиялық таза отынға көшті