Диана Скатова: Босағадағы ападан аттап кетіңіздер!

Тележүргізуші Диана Скатова өзінен кеңес сұраған оқырмандарына жауап берді. Ол әлеуметтік желідегі сұрақ-жауап айдарында тұрмықа шықпаған қыздарға жауап жазды.

“Қызды алып қашып кеткенде, қалғысы келмей, босағада жатқан әжеден аттап кеткені дұрыс па?” деген сұраққа Диана: “Аттап кетіңіздер! Сосын алып қашқан адамның үстінен арыз жазыңыздар! Адам тағдырын босағадағы апаға емес, Аллаға сеніп тапсыру керек”, – деп жауап берді.
Тележүргізуші қарым-қарынаста жолы болмай жүрген жас қыздарға кеңес берді.

«Бір жігітпен танысқанмын. Бірақ жоқ болып кетіп, қайта қайтып келеді. Не істесе болады?» – деген бойжеткеннің сауалы жауапсыз қалмады.

“Инструкция келесідей: ол жігітті жан-жақтан қара тізімге саласыз, өзіңізді бағалауды үйренесіз де, келесіде пайда болғанда оны пысқырмайсыз. Содан кейін жаңа таныстықтарға ашық боласыз”, – деп жауап берді тележүргізуші.

JQ-Aqparat