Актриса Дариға Бадықованың бұрынғы күйеуі Дархан Мұсаевтың сұхбатынан кейін қоғамда қызу пікірталас жүріп жатыр. Осыған қатысты соңғы жаңалық: Дариға Бадықова бұрынғы күйеуінің үстінен арыз жазғаны.
Заңгер Айгүл Орынбек әлеуметтік желідегі желідегі парақшасында деп былай деп жазды:
«Адамның жеке өмірі мен жеке шекарасын құрметтеуді үйренетін уақыт жетті! Дариға барынша сабырлық пен түсіністік танытып келді. Бірақ отбасылық құпияны жария ету, жеке хат алмасулар мен аудио-видеожазбаларды көпшілікке таратамын деп мәлімдеу — бұл адамның ар-намысына тиіп қана қоймай, қылмыстық жауапкершілікке тартылуы мүмкін әрекет! Мұндай әрекет — бопсалау мен қысым көрсетудің айқын көрінісі. Бүгін біз Дарханның үстінен ресми түрде арыз түсірдік. Бұл шешімге баруға мәжбүр болдық, себебі заңсыздыққа үнсіз қарау – әділетсіздікке жол беру деген сөз. Енді бәрі заң аясында, құқықтық алаңда шешіледі деп сенеміз. Дариға әлеуметтік желіде өз өмірін талқылауға міндетті емес. Жеке өмір – адамның ең қасиетті кеңістігі, оған қол сұғу – адам құқығын бұзу! Заң бәріне ортақ. Оны орындау – қоғам алдындағы азаматтық және адамдық міндет! Біз әділдіктің орнауына сенеміз».
JQ-Aqparat
WhatsApp: +7 705 717 9113
