Дариға ширек финалға өтті

Бразилияның Рио-де-Жанейро қаласында өтіп жатқан Олимпиада ойындарында бүгін боксшы қызымыз 75 келідегі Дариға Шәкімова шаршы алаңға шығып, алғашқы қарсыласын ұтты, деп хабарлайды Риодағы ҚазАқпарат тілшісі.

Ол канадалық қарсыласы А. Фортинмені 2:1 есебімен ұтып, келесі айналымға жолдама алды.

Еске сала кетейік, Дариға Шәкімова Петропавл қаласында дүниеге келген.

Жетістіктері: Азия чемпионы (2010); Қазақстан чемпионы (2013); Қазақстан чемпионы (2014); Азия чемпионы (2015); Қазақстан чемпионы (2016); Халықаралық дәрежедегі спорт шебері.

Шәкімова Олимпиада ойындарына жолдаманы Қытайда өткен бокстан Азия және Мұхит аймағы елдері бойынша Олимпиада ойындарына жолдама сарапқа салынған турнирде жеңіп алды. Олимпиада ойындарына тұңғыш рет қатысып жатыр.