jasqazaq.kz

БҰРЫС ПЕН ДҰРЫС БЮЛЛЕТЕНІ

10 ақпан 2023, 17:30

1, Тележаңалықты алаяқтыққа пайдаланды

«Ол бар болғаны қосымшаны өзінің телефонына жүктеді. 7375 долларды шығарып алды».

Әлеуметтік желіде әлдебір қосымшаның жарнамасын байқауға болады. Оны жүктеу арқылы ірі көлемде ақша ұтып алуға болады-мыс. stopfake.kz сайты жазғандай, жарнама мәтіні 39 млн теңге ұтып алған такси жүргізушісі туралы тележаңалықтардағы сюжеттің үстіне жазылған. Сюжет шын мәнінде 2019 жылы эфирге шыққан. Шопырдың көп ақшаны ұтып алғанын өзге БАҚ-та хабарлаған болатын. Бірақ ол ешқандай қосымшаны жүктеген емес. Ақшаны лотереядан ұтқан болатын.

 

2. «Еріктілермен» елді шатастыру

«Астана қаласының ТЖД кезекшілік бөлімінде жер сілкінісі салдары аумағына жөнелту үшін еріктілер жиналуда. Азаматтар ішінен бірінші болып жазылдым. Әріптестерден қоңырау күтемін».

Скриншот-inform.kz

Скриншот-inform.kz

ҚазАқпарат агенттігі бір азаматтың осы ақпаратты әлеуметтік желіде жариялағанын, осыған орай Астана қалалық төтенге жағдайлар департаментінің оны дереу теріске шығарғанын хабарлады. «Бұл ақпараттың шындықққа сәйкес келмейтінін хабарлаймыз! Бүгінгі таңда қажетті құтқару жабдықтарымен жабдықталған 40 қазақстандық құтқарушы Түркияда, Газиантеп қаласында. Сондай-ақ тәжірибелі мамандар, кинологтар, Апаттар медицинасы орталығының дәрігерлері қатарынан қосымша 60 құтқарушы бүгін жойқын жер сілкінісінің зардаптарын жоюға көмек көрсетуге бара жатыр. Осыған байланысты азаматтардан тек ресми дереккөздерге сенуді сұраймыз» делінген департаменттің мәлімдемесінде.

3. Арақпен емдеудің адам сенгісіз «тәсілі»

«Кәдімгі арақтың буын жұтып, кез-келген жұқпалы кеселден құлан таза айығуға болады».

Арақпен емдеудің елде жоқ осындай әдісін әлдекімдер 2020-2021 жылдары Covid-19 кеселі өршіп тұрған кезде тықпалаған еді. Олар сол арқылы коронавиурсты жеңуге болады деп жұртты сендіруге тырысты. stopfake.kz сайты мұндай амал түкке пайдасыз деп есептейді. Өйткені, көп мөлшерде спирт вирусты өлтіргенімен, арақтың буы ағзаға емдік тұрғыдан әсер ете алмайды. Оның үстіне булаудың мұндай түрі денсаулыққа зиян тигізуі де мүмкін.

JQ — Фактчекинг

16 қараша, 15:35
Алматыда экологиялық талаптар күшейтілді
16 қараша, 15:17
Сұлтанғали Кенжеқұлов: Инвестиция жаңа өндіріс орындарын ашып, озық технология енгізуге жол ашады
16 қараша, 14:05
Қорғаныс саясатындағы стратегия: жаңа тұрпатты Қарулы Күштер
16 қараша, 14:04
Шымкентте 200 орындық заманауи перинаталдық орталық салынуда
13 қараша, 17:34
Қазақ елінің баянды бастамасы: Превентивті дипломатия
13 қараша, 15:06
Шымкентте жол-көлік инфрақұрылымын дамыту қарқынды жүріп жатыр
12 қараша, 14:55
Шымкентте қауіпсіздік инфрақұрылымы кеңейіп келеді
10 қараша, 20:03
«COP31»: Әділ, теңгерімді көзқараспен нақты нәтижеге
10 қараша, 16:00
Азамат Ешанқұл: Алматыдағы қоғамдық көліктің 81,2%-ы экологиялық таза отынға көшті