«Болашақ» бағдарламасына 555 стипендия бөлінді

17 ақпан 2023, 16:44

Мемлекеттік кеңесші Ерлан Қарин Шетелде кадр даярлау жөніндегі республикалық комиссияның отырысын өткізді. Бұл туралы akorda.kz мәлім етті.

Комиссия отырысында биылғы жылы «Болашақ» бағдарламасымен оқуға 555 стипендия бөлінгені айтылды. Оның ішінде магистранттарға 395, резидентура мен докторантураға 50, тағылымдамадан өтуге 110 стипендия қарастырылып отыр.

«Отырыста шетелде тағылымдамадан өту үшін «Болашақ» стипендиясын тағайындау мәселесі де қаралды. Комиссия шешіміне сәйкес 25 азаматқа стипендия берілді. Айта кету керек, «Болашақ» бағдарламасының стипендиясын алуға құжат тапсыру биылғы жылдың қыркүйек айына дейін жалғасатынын» жазды Ақорданың ресми сайты.

JQ-Aqparat