Боксшы Айдос Ербосынұлы: Әйелдерге тыйым салар едім

Отандық кәсіби боксшы Айдос Ербосынұлы әйелдердің бокспен шұғылдануына қарсы. Бұл туралы ол инстаграм парақшасында жазды, — деп хабарлайды JQ-Aqparat.
Спортшы : «Әйел заты нәзік жаратылыс қой. Менің қолымда болса, әйелдерге бұл спортпен айналысуға тыйым салар едім», — деп жазды. Осылайша, қазақстандық боксшы Пуэрто-Рика өкілі Аманда Серрано мен мексикалық Эрика Крус арасындағы жекпе-жекке өз пікірін білдірген. Ербосынұлы жүктеген суреттен екі боксшы қыздың қан-жоса болып, төбелесіп жатқанын көруге болады. Айта кетелік, Айдос Ербосынұлы 2022 жылдың қарашасында кубалық Дэвид Моррелмен кездесіп, 12 раунд қорытындысы бойынша жеңіліп қалды. Бірақ жекпе-жектен соң комаға түсіп, біраз уақыт ауруханада жатты. Қазіргі таңда ол емін жалғастырып жатыр.