Бізде қолдаудан бақылау көп

«Кәсіпкерді қадағалайтын 61 орган бар». «Кәсіпкерлік саласындағы прокуратура қадағалауы» атты форумда «Атамекен» ұлттық кәсіпкерлер палатасы төралқасының төрағасы Тимур Құлыбаев осылай деп мәлімдеді.
Құлыбаевтың айтуынша, өткен жылы 54 мың рет кәсіпкерлердің жұмысы тексерілген. Оларға кедергі келтірмей, кәсібімен айналысуға мүмкіндік беру керек деп отыр. Соңғы уақытта бизнес өкілдерінен «Атамекен» кәсіпкерлік палатасына 12 мың шағым түскен. Соның 4800 жағдайында мемлекеттік органдар заңсыз айып тағыпты. Палата төралқасының төрағасы Тимур Құлыбаев кәсіпкерлерге тағылған айыптардың 42 пайызы заңсыз екенін айтты. Ол «Елімізде қадағалау және бақылауға құқығы бар 61 мемлекеттік мекемеге қызмет көрсету үшін шағын және орта бизнестің қанша штат ұстау қажет екендігін түсінесіздер ме!?», – деді.