Бейнебақылау камерасы бұзақыға тосқауыл бола алмайды

Бүгін Үкімет отырысында ішкі істер вице-министрі Марат Қожаев Петропавлдағы оқыс оқиға болған №4 орта мектеп туралы ақпарат берді. Онда 39 сыныпта 984 оқушы екі ауысыммен оқиды. Штатта 70 мұғалім, арасында бір психолог бар.

Мектеп ішінде және оның аумағында 42 бейнебақылау камерасы және «СА BARS NEXT» жауапкершілігі шектеулі серіктестігіне қосылған (шақыру түскен уақытта жылдам қимылдауды қамтамасыз етеді) 5 дабыл белгісі бар.

Оқиға болған күні мектептің бірінші қабатында күзетші-вахтер болған.
Бірақ бейнебақылау камерасы оқушының бұзақы әрекетіне тоқтау бола алмады. Демек мектепте қауіпсіздікті қамтамасыз етудің басқа жолдарын қарастыру қажет. Әрі ырғалып-жырғалмай, шұғыл түрде.

JQ-Aqparat