Бейбіт митинг өтті (Видео)

Бүгін Астанада рұқсат етілген бейбіт митинг өтті. Тұрмыстық тақырыпта. Жиылған жұртшылық жарты сағатта тарқасты.

Бұл митингті астанадағы «Caspian Palase», «Ишим», «Нұр-Қанат» тұрғын үй кешендерінің тұрғындары ұйымдастырды. Мәселе, «Мәңгілік» деп аталатын тұрғын үй құрылысына қатысты көтерілді.

Жиналған халықтың айтуынша, жаңадан құрылыс бастауға аула тарлық етеді. Оның үстіне, қимыл-қозғалыс қиындайды деп отыр. Тіпті, құрылысқа рұқсат бар ма, жоқ па деген заңды сұрақ қойып, жауап талап етті.

 

Посмотреть эту публикацию в Instagram

 

Публикация от JAS QAZAQ (@jasqazaqkz)

Өз кезегінде, BI Group компаниясының лауазымды өкілі Айбар Мұқанов былай деп мәлімдеді.
«Құрылыс жүргізудің нақты заңнамасы бар. Біз сол заңнамаға сүйене отырып шешім қабылдаймыз. Яғни, жергілікті әкімшілік, Сәулет-құрылыс саласына жауапты мекемелер өз рұқсаттарын берген. «Мәңгілік» тұрғын үй кешенін салу сол ауланы айналымға келтірмей тастайды деген сөз шындыққа жанаспайды. Ол үйдің өзіндік автотұрағы, абаттанған ауласы болады. Заман талабына сай технологиямен салынады. Ең бастысы біз заң шеңберінде ғана жұмыс істеп жатырмыз»-деп жауап қатты құрылыс компаниясының жауапты өкілі.
Бейбіт шеру мерзімінен бұрын аяқталды. Тұрғындар да, құрылыс компаниясы да бұл мәселені ымырамен шешуге мүдделі екендіктерін танытты.