Бейбіт Қорғанның гонорары қанша?

Отандық әнші Бейбіт Қорған дүние-мүлікті бірінші орынға қоймайтынын айтты. Өнер иесі отандық бағдарламаға қатысып, гонорарының қанша екенін айтты. Бағдарлама барысында жүргізуші әншіден «Біреу өзінің қуанышына шақырғысы келсе, қаншалықты қолжетімдісіз?», — деп сұрады. Ал әнші дүние-мүлікті бірінші орынға қоймайтынын ашып айтты. «Негізі ұстанымым дүние-мүлікке байланысты адам емеспін. Талай адаммен араласамыз. Көз алдымда кедей адам байға айналды, бай адам кедейленді. Өз басым адам таңдамаймын. Дүние-мүлікті бірінші орынға қоймаймын. Бірақ кейде қарапайымдылығыңды әлсіздікке санайды. Алдап кететіндер болады. «Концертіңді жасап беремін» деп алдап ақша алады. Ел-жұрт сияқты барып, өлең айтып келгенімізге бір миллион теңгедей аламыз. Эконом класспен ұша береміз, халықтың арасында жүре береміз.Тыңдармандарым қатты сыйлайды, құрметтейді. Мені көтерген қазақ халқы, сондықтан халқыма қызмет етемін», — деді Бейбіт Қорған.

JQ-Aqparat