Бас прокуратура: 68 кәсіпорын 1,5 миллиард теңге берешегін өтеді

Былтыр прокуратура өкілдері мемлекет органдармен бірге 68 кәсіпорында еңбек ететін 4 мың қызметкердің 1,5 миллиард теңге алашақ қарыздарын қайтаруды қамтамасыз етті деп хабарлайды JQ-Aqparat Бас прокуратураның баспасөз қызметіне сілтеме жасап. Жалақы дауы бойынша берешекті өндіру мақсатында деректерді алмасып, дебиторлармен жұмыс та қарқынды іске асып борышкерлердің мүлкін іздеу де жүріп жатыр.

«Мысалы, «Тамыр» ЖШС компаниялар тобы 243 қызметкерге 60 млн теңге қарыз болған. Солтүстік Қазақстан облысы прокуратурасының ұсынысымен кәсіпорын қарыздарын толық төлеп, жұмыс беруші ӘҚБтК-нің 462-бабының 3-бөлігі бойынша әкімшілік жауаптылыққа тартылды. Анықталған бұзушылықтар бойынша 66 ұсыну енгізіліп, 228-ге жуық адам әкімшілік жауаптылыққа тартылды, 72 млн теңгеге айыппұл салынып, әкімдіктермен 266 рұқсат қайтарып алынды және 150 шетелдік азамат елден шығарылғанын» мәлімдеді Бас прокуратураның баспасөз қызметі. Прокурорлар толтырған акті бойынша былтыр 30 мың жұмысшының жалақысына үстемақы белгіленіп, 600-ден астам қызметкер өтемақысын алған. Әкімшілік жауапкершілікке 226 адам тартылған.