
Бүгін елорданың барлық білім беретін ұйымдарында бір мезетте күй тартылды. Бұл туралы Астана қаласының әкімдігі хабарлады. «Күй күмбірі» деп аталатын домбырашылар челленджі оқу-ағарту министрлігінің бастамасымен ұйымдастырылды.
Білім алушылардың рухани мәдениетін, эстетикалық, патриоттық рухын арттыру, елдің мәдени мұрасын сақтау, балалардың домбыра тарту өнерін насихаттау мақсатында ұйымдастырылған челленджге қаладағы 127 мектепте оқитын оқушылардың 3 мыңнан астам домбырашысы қатысты. Олар түскі 12:00-де Құрманғазының «Балбырауын» күйін тартты.
JQ-Aqparat