Банкроттық туралы заң: Жетімнің үйін ала алмайды

Қаржы вице-министрі Ержан Біржанов банкроттық рәсімдеу кезінде азаматтардың арнайы санаттары бойынша қолданылатын талаптар туралы айтты деп хабарлайды JQ-Aqparat.

«Егер жетім санатындағылар өзін банкрот деп жарияласа, олардан мемлекет тарапынан берілген пәтерлері тәркілене ме?» деген сауалға Ержан Біржанов былай деп жауап берді:

«Тұрғын үйге келетін болсақ, егер адам банк арқылы пәтер алса және оның жалғыз тұрғын үйі кепілзаты болса, онда бұл мүлік сот процесі арқылы қаралады. Бұл тек сот органдары мен қаржы менеджері арасында шешіледі. Егер тұрғын үй жергілікті атқарушы органдар арқылы жетімдер санаты бойынша алынса, бұл мүлік кепілзаты болмайды. Оны ешкім де ала алмайды. Әлеуметтік тарап осындай нормалармен қорғалды».