Балтамен атылған!

Қарағанды облысында балта ұстаған ер адам бір жасар баласымен жүрген отбасыға шабуыл жасамақ болған. Оқыс оқиға Саран қаласында болған. Жәбірленуші болған жайды әлеуметтік желіде жариялады. Келіншектің айтуынша, сол күні қайын ағасының үйіне қонаққа барған.
Отағасы үйге кіріп кеткенде, әйел баласымен көлікте отырған. Сол сәтте бейтаныс адам көлікке жақындап, есік тұтқасынан тартып, машинаның фарын сындыра бастаған. Көліктің құлттанып тұрғанының арқасында ана мен бала жарақаттан аман қалған.

Қарағанды облысы ПД баспасөз қызметі оқиғаға қатысты пікір білдірді. Ведомствода күдіктіге қатысты Қылмыстық кодекстің 293-бабы «Бұзақылық» бойынша қылмыстық іс қозғалғанын атап өтті.

«Бұл дерек ҚР Қылмыстық кодексінің 293-бабы бойынша полицияға тіркелді. Құқықбұзушылық жасаған 58 жастағы ер адам анықталды. Соталды тергеу амалдары жүргізіліп жатыр», — деді Қарағанды облыстық ПД өкілдері.

JQ-Aqparat