Балабақшадағы жалған тізім мен жемқорлық

Сыбайлас жемқорлыққа қарсы іс-қимыл ұлттық бюросының Оңтүстік Қазақстан облысы бойынша департаменті сыбайлас жемқорлық құқық бұзушылықтарды анықтап, нәтижесінде бірқатар лауазымды тұлғаларды ұстады.

Аталған бюроның баспасөз қызметі хабарлағандай, Сыбайлас жемқорлыққа қарсы іс-қимыл ұлттық бюросының Оңтүстік Қазақстан облысы бойынша департаменті сыбайлас жемқорлық құқық бұзушылықтарды анықтап, нәтижесінде бірқатар лауазымды тұлғаларды ұстады.

Осылайша, «Айсана ана» және «Жас шуақ» балабақшаларының меңгерушісі әрі құрылтайшысы А. Биболов балабақша тәрбиеленушілерінің жалған тізімін жасау арқылы, «Балапан» мемлекеттік бағдарламасы бойынша берілген жалпы сомасы 10 000 000 теңге бюджет қаражатын жымқырған.

Қазіргі уақытта лауазымды тұлға Мақтаарал ауданының ІІБ Уақытша ұстау абақтысына қамалды

Бұдан басқа, оқытушыдан талапкердің колледжге оқуға түсуі және педагогикалық жүктемені көбейткені үшін, Ә. Қастеев атындағы Оңтүстік Қазақстан өнер және дизайн Оңтүстік колледжінің директоры А.Ниязов 200 000 теңге сомасында пара алу кезінде ұсталды.

А. Ниязов Шымкент қаласының ІІБ Уақытша ұстау абақтысына қамалды.

Аталған фактілер бойынша сотқа дейінгі тергеу жүргізілуде.