Бақытжан Сағынтаев: Ортақ валюта туралы әңгіме де жоқ (Видео)

03 ақпан 2023, 17:34

Еуразия экономикалық одағы шеңберінде ортақ ақша енгізу күн тәртібінде жоқ. Бұл туралы Еуразия экономикалық комиссиясының министрі Бақытжан Сағынтаев мәлімдеді. Ол осыған қатысты “Біздің барлық негізгі құжаттарымызда бұл мәселе қарастырылмаған. Біз тек қаржы нарығы саласындағы заңнамаларды үйлестіру бойынша жұмыс істеп жатырмыз” деді.
Айта кеткен жөн, аталған мүше елдер 2025 жылға қарай ортақ қаржы нарығын құруды жоспарлап отыр. Бұған қоса, Ұлттық деңгейден жоғары қаржы реттеушісі құрылымын қалыптастыру көзделуде. Бұл құрылымның орталығы Алматыда орналасуы тиіс.