Б.Сағынтаев: Комиссия жұмысына күмән келтіру – арандатушылық

Бүгін Астанада өтіп жатқан Жер реформасы жөніндегі комиссияның үшінші отырысын ашу үшін сөз сөйлеген Премьер-Министрдің бірінші орынбасары Бақытжан Сағынтаев Жер реформасы жөніндегі комиссияның отырысына күмән келтіруді — арандатушылық деп ойлайтындығын білдірді.

Бақытжан Әбдірұлы «Мінекей, біз бүгін осымен үшінші рет Ұлттық мұражайға жиналып, комиссиямыздың алқалы кеңесін өткізіп жатырмыз. Бүгінге дейін комиссия мүшелері мен арнайы жұмыс топтарына, пошталарға, сайттарымыз бен сенім телефондарымызға келіп түскен ұсыныс-пікірлерге қарап отырып, біздің жұмысымыз қоғам арасында кеңінен талқыланып жатқандығын аңғарамыз. Алайда, ел іші мен әлеуметтік желілерде комиссия жұмысына күмән келтірушілер де жоқ емес. Тіпті, олар біз өз жұмысымызды бастамай тұрып, нәтижесін талап етіп, түрлі қауесеттер де таратуда. Менің ойымша, бұл барып тұрған — арандатушылық. Сондықтан да, егер қоғамның кез-келген азаматынан сұранарым, егер ұсыныс-пікір білдірем деушілер болса республикамыздың барлық өңірлерінде тиісті мүмкіндіктер бар. Ондай хабарламаның ешбірі де назардын тыс қалмайды», — деді.

Baq.kz