Әжелер де футбол ойнайды

Қазақстаның кәсіпқой футбол лигасы (QJ League) 2025 жылдан бастап қыздар арасында жасөспірімдер лигасын құрады. Бұл жөнінде кәсіпқой футбол лигасының президенті Рохус Шох айтты. Рохус Шох қыздар арасындағы лигада17 жасқа дейінгі жасөспірім арулар доп тебеді.
Ол аз десеңіз енді елімізде аналар мен әжелер де футбол ойнайтын болады. қағыс естіген жоқсыз, және бұл біздің байлам емес, Қазақстан футбол федерациясының президенті Әділет Барменқұловтың айтқаны.

«Бұл елімізде жоқ мүлдем жаңа жоба. Өткен жылы біз әйелдер футболының не екенін, оны дамыту жолдарын зерттедік. Былай қарасаң, елімізде әйелдер футболы бар да, жоқ та сияқты. Біз әйелдерге арналған ауқымды футбол бағдарламасын дайындап жатырмыз. Бағдарлама тек қыздар мен кәсіби футболшыларға ғана емес, сонымен қатар футболға құмар аналар мен әжелерге де арналады», – деді Ә.Барменқұлов. Тіпті билы болмаса келесі жылы іске қосылатынын да жеткізді. Қалай болғанда да енді бес жылдың бедерінде немерелері «менің әжем футболшы, бәлен деген клубта қорғаушы не болмаса шабуылшы» деп айтып отыратын күн де алыс емес секілді.

JQ-Aqparat