Қазақстандық боксшы қыздардың қарсыластары

Астанада бокстан әйелдер арасындағы әлем чемпионатының жеребесі өтті. Бұл туралы kaz.365info.kz сайтына сілтеме жасап jasqazaq.kz хабарлайды.

Бірінші кезеңде 48 кг дейінгі салмақ дәрежесінде өнер көрсететін Назым Қызайбай Польша өкілі Анжелика Гроньскаямен кездеседі.

Жайна Шекербекова (51 кг) екінші кезеңде аргентиналық Сиара Лескурат пен Алжир өкілі Соухила Боучене кездесуінің жеңімпазымен күш сынасады.

Дина Жоламан (54 кг) Клаудия Нечита (Румыния) мен Орнелла Вагнер (Германия) кездесуінің жеңімпазымен, ал Айжан Ходжабекова (57 кг) Марина Малована (Украина) және Вивьен Ксомбор (Венгрия) жұбының жеңімпазымен кездеседі.

60 кг дейінгі салмақ дәрежесінде өнер көрсететін Римма Волосенко 1/8 финалға шығу үшін Ивон Расмуссен (Дания) және Ти Дуйен Лю (Вьетнам) жекпе-жегінің жеңімпазымен күш сынасады.

Зарина Цолоева (64 кг) бірінші кезеңде Вьетнам өкілі Ти Лин Ха, а ал Валентина Хальзова кореялық Химин Номен кездеседі.

Виолетта Князева (75 кг) австралиялық Кейтлин Паркермен, Юлдуз Маматкулова (81 кг) ресейлік Любовь Пашинамен жұдырықтасады.

Ең ауыр салмақта 81 кг өнер көрсететін Ляззат Күнгейбаева ширек финалда Айнұр Рзаева (Әзербайжан) және Сима Пуния (Үндістан) жұбының жеңімпазымен күш сынасады.