ҚазҰау IREG-тің толыққанды мүшесі

Қатар мемлекетінің Доха қаласында «Басымдылық – университет дамуының қозғаушы күші» (IREG Forum 2017) атты форум өтті. Оған әлемнің 35 елінің жоғары оқу орындарының өкілдері мен сарапшылар қатысты. Оның қатарында Қазақ ұлттық аграрлық университетінің ректоры Тілектес Есболов пен халықаралық қатынастар және инвестиция жөніндегі проректор Дания Асанова да бар.

Енді, Қазақ ұлттық аграрлық университеті, IREG Халықаралық обсерваториясының толыққанды мүшесі болып табылады. Айта кетейік, бүгінгі күнге дейін бұл обсерваторияға еліміздің тек екі жоғары оқу орны: Л.Н. Гумилев атындағы Еуразия ұлттық университеті мен Әл Фараби атындағы Қазақ ұлттық университеті ғана мүше болған.
Форумда ҚазҰАУ ректоры университет қызметі туралы жан-жақты баяндама жасады.
Сондай-ақ Тілектес Исабайұлы Катар университетінің президентімен кездесіп, екі оқу орны арасындағы ынтымақтастық байланысының келешегін талқылады.