Ауызға абай болыңыз

Бүгіннен яғни 6 наурыздан бастап қоғамдық орындарға біреуге қарата балағат сөз айтқаныңыз үшін арқалайтын айыппұлыңыздың мөлшері бірден 4 есеге өсті.
Әкімшілік құқық бұзушылық туралы кодекске енгізілген сөз үшін жазаны қатаңдату қажеттігі жөніндегі түзетулер күшіне енді. Енгізілген өзгерістер бойынша дөрекі сөйлеу, жеке тұлғаны сыпыра боқтау, болмаса жәбірлеу, ғимараттардың, құрылыс нысандарының, тұрғын үйлердің, қоғамдық орындардың, қоғамдық көліктегі мүлікті қирату және осыған ұқсас әрекеттер болса, қоғамдық тәртіпті және тұлғалардың тыныштығын бұзу ұсақ бұзақылыққа жатады. Осы күнге дейін мұндай жаза арқалағандарға 17 250 теңге төлеттірсе, бүгіннен бастап 69 000 теңге болды.

JQ-Aqparat