Ауылға 143 миллиард теңге бөлінеді

Биылғы жылы еліміздегі 736 ауылда 143 миллиард теңге көлеміндегі қаражатқа 1,5 мың жоба іске асырылады деп хабарлайды JQ-Aqparat ұлттық экономика министрі Әлібек Қуантыровтың сөзіне сілтеме жасап.

Қазақстанда 6293 ауыл бар десек, онда 7,8 миллион халық өмір сүріп жатыр. «Ауыл – ел бесігі» жобасын іске асыру аясында елді мекендерді дамыту бағытында 2019-2022 жылдары республикалық бюджеттен 326 миллиард теңге бөлініп, оған 3,7 мың жоба жүзеге асырылған.
«2023 жылы министрлік облыс әкімдерімен бірлесіп, 736 ауылдық елді мекенде 143 млрд теңге сомасына 1,5 мың жобаны іске асыруды жоспарлап отыр. Оның ішінде 102 млрд теңгесі жалпы сипаттағы трансферттерде есептеліп жергілікті бюджеттердің шығыстар базасына берілгенін» мәлім етті министр.

Үкімет отырысында Ә.Қуантыров Президент жарлығына сай ұлттық экономика министрлігі ауылддарды дамытуға арналған 2023-2027 жылдары аралығын қамтитын тұжырымдама жобасын әзірлегенін де атап өтті. Тұжырымдамада агрһнеркәсіп кешенін дамыту, кәсіпкерлікті өркендету, ауыл шаруашылығы кооперациясына жан бітіру, көлік инфрақұрылымын жандандыру, әлеуметтік саланы, инженерлік бағытты өрістету, ауыл халқының табысын арттыру сынды маңызды жайттар қамтылған. «Ауыл – ел бесігі» жобасының жүзеге асырылу барысы үнемі ұлттық экономика министрлігінің бақылауында болатынын жеткізді ведомство басшысы.