Атырауда дауыл қаланың астан-кестеңін шығарды

16 тамыз 2016, 23:17

Атырауда қатты соққан дауыл қаланың астан-кестеңін шығарды. Сондай-ақ бірнеше күннен бергі аптап ыстықтан соң, бұршақ аралас жаңбыр жауып, бірнеше тұрғын үй мен нысандардың шатырларын ұшырып, автокөліктерді басып қалған. Жылдамдығы секундына 20-22 метрге жететін қатты желдің әсерінен талдар құлаған.

Бұл аздай, бұршақ аралас жауған нөсерден қала көшелерін су басып, әп-сәтте көлік қозғалысына қиындық туғызған. Сондай-ақ жаяу жүргіншілердің де жүрісіне кедергі келтірген. Әзірге шығын көлемі айтылған жоқ.

Атырау облыстық ТЖД өкілі Нұрлан Жаңабаевтің айтуынша: «Қала бойынша бес ғимараттың шатыры ұшып, салдарынан сегіз автокөлік зақымданды. Сонымен қатар сегіз тұрғын үйдің аулаларын су басқаны анықталды. Қазіргі уақытта су сору жұмыстары толықтай аяқталды. Қалпына келтіру жұмыстары жүргізілуде»

31.kz