Атырауда батпақ арасынан ер адамның мәйіті табылды

14 наурыз 2017, 11:27

13 наурыз күні Атырау қаласының маңындағы Құрсай ауылында жергілікті тұрғындар белгісіз ер адамның мәйітін тапты.

Батпақ арасында жатқан мәйттің фотосы әлеуметтік желіде тарап кеткен. Оны фотоға түсірген оқиға куәгері бұл жайттың Құрсай ауылында болғанын айтуда. Фотода шамамен орта жастағы азамат күртешесіз және аяқ киімсіз жатыр. Басынан аяғына дейін батпаққа малынған ер адам тірі болмаған.

NUR.KZ сайтының хабарлауынша, ІІД баспасөз қызметі әзірге бұл жайтқа қатысты түсініктеме бермеді. №1 қалалық полиция бөлімшесінің кезекшісі мәйіттің таңғы уақытта ауыл маңынан табылғанын растады.