jasqazaq.kz

Атырауда апат жойылып, барлық үйге жылу берілді

27 желтоқсан 2022, 13:40

Атыраудағы шағын ауданда магистральды құбырдағы ақау жөнделіп, көпқабатты 87 үй мен мектепке жылу берілді. Мектептегі сабақ әдеттегі форматта өтіп жатыр. Бұл туралы  ҚазАқпарат хабарлайды.

Бұдан бұрын Атырау қаласының «Нұрсая» шағын ауданындағы құбырдан ақау табылып, жылу беру уақытша тоқтатылғанын хабарлаған едік.

Сол себептен, шағын ауданда орналасқан көпқабатты 87 үйдің тұрғындары түн ортасына дейін жылусыз отырды.

Атырау қалалық тұрғын үй-коммуналдық шаруашылық бөлімінің сектор меңгерушісі Темірлан Әубәкіровтің дерегіне сүйенсек, кеше, 26 желтоқсан күні сағат 11:30-да «Нұрсая» шағын ауданында жылу беру жүйесі істен шыққан.

Магистральды жылу құбырының жалпы ұзындығы 3045 метрді құрайды. Ал, диаметрі – 426 мм. Бұл құбыр мен көпқабатты 87 үй мен №40 орта мектепке жылу беріліп келген.

«Соның салдарынан 87 көп қабатты тұрғын үй мен №40 орта мектеп жылусыз қалған еді. Кеше, 26 желтоқсанда жергілікті уақытпен сағат 23:50-де үйлер мен білім нысанына жылу беру толықтай қалпына келтірілді», -деді Темірлан Әубәкіров.

Ал, жалпы білім беретін №40 орта мектептің директоры Жанаргүл Атшыбаеваның айтуынша, бүгін, 27 желтоқсанда білім ордасында сабақ тоқтатылмаған. Оқушылар мектепке келіп, сабақ әдеттегі форматта өтіп жатыр. Оқушылар оқуларын офлайн форматта жалғастырып жатқанын айтты.

«АтырауЖылуЖүйелері» АҚ-ның бірініші вице-президенті-бас инженер Әлібек Темірғалиевтің айтуынша, магистральды құбырдағы ақауды жөндеу үшін дәнеккерлеу жұмысы атқарылған. Кейін жылу құбырын ыстық сумен толтыру процесі жүргізілген. Бұл жұмыстарды атқаруға аталған кәсіпорынның 15-ке жуық қызметкері мен 5 техникасы тартылған.

Бүгін, 14:19
Шымкент: Auezov University-де Форсайт орталығы мен AI Media Studio ашылды
Бүгін, 14:06
Марат Нағұманов: Әскери реформа – жаңа сипаттағы армия құру жолындағы стратегиялық қадам
16 қараша, 15:35
Алматыда экологиялық талаптар күшейтілді
16 қараша, 15:17
Сұлтанғали Кенжеқұлов: Инвестиция жаңа өндіріс орындарын ашып, озық технология енгізуге жол ашады
16 қараша, 14:05
Қорғаныс саясатындағы стратегия: жаңа тұрпатты Қарулы Күштер
16 қараша, 14:04
Шымкентте 200 орындық заманауи перинаталдық орталық салынуда
13 қараша, 17:34
Қазақ елінің баянды бастамасы: Превентивті дипломатия
13 қараша, 15:06
Шымкентте жол-көлік инфрақұрылымын дамыту қарқынды жүріп жатыр
12 қараша, 14:55
Шымкентте қауіпсіздік инфрақұрылымы кеңейіп келеді