Атылған оқтан сөмкесі қорғап қалды

Нью-Йорк қаласының тұрғынына атылған оқ оның сөмкесіне тиіп, иесін қорғап қалған. Бұл туралы stan.kz хабарлады.

Тонаушы өзінің көлігінің жүксалғышына зат тиеп жатқан 39 жастағы әйелге шабуылдаған. Ол әйелге тапанша тақап, көлігінің кілтін беруді талап еткен. Ал әйел қарсылық көрсеткен кезде, атып жібереді. Атылған оқ оның сөмкесіне тиіп, одан киіміне тіреліп аман сақтап қалған. Сосын ер адам оны тапаншамен ұрып, кілтін тартып алып көлікті айдап кеткен.

Полиция қылмыскерді оқиға болған жерден алты шақырым қашықтықтан ұстады. Оған адам өлтіруге оқталу, тонау, шабуыл жасау, заңсыз қару сақтау және қаруды қылмыс жасау мақсатында пайдалану баптары бойынша айып тағылды. Зардап шегуші ауруханаға жеткізілген.