Астаналық келіншек виртуалды сүйіктісіне 92 миллион теңге аударған

People Typing on Laptop — Image by © Milk Photographie/Corbis

Астаналық келіншек телефон арқылы сөйлесіп жүрген сүйіктісіне 92 миллион теңгеге жуық ақша жіберіпті.

Қылмыстық іс материалдарына сәйкес, ер адам өзін банкроттық сатысында тұрған зауыттың директоры ретінде көрсеткен. Содан кейін, сүйіктісіне жақын туысының өліміне қомақты қаражат керек екенін айтқан.

Ал ғашық әйел оған жалпы сомасы 91,6 млн теңге аударыпты. Астана қаласы Алматы ауданының №2 соты аса ірі көлемде алаяқтық жасаған ер адамды бес жылға бас бостандығынан айырды. Сотталушыдан жәбірленушінің пайдасына 91 миллион теңге өндірілген. Ер адам шын мәнінде үйленген, көп балалы әке болып шықты.

JQ-Aqparat