Астанада баспанасын күте-күте шаршаған үлескерлер бүгін салынып бітпеген пәтерлеріне баса көктеп кіріп, қоныстанбақшы болды. 2 жыл бұрын бітуі керек болған «Медина» тұрғын үйінің мердігерлері құрылысты қазаннан кешіктірмейміз деген еді. Алайда, уәделі мерзімде кілт те, мердігер де жоқ болып шықты.
Кілттерін талап еткен үлескерлер тіпті өздерімен төсек-орындарын да алып келіпті. Бірақ, нысан әлі қоныстануға дайын емес екен. Жылуы тартылмаған, лифтісі орнатылмаған, пәтерлердің есігі жабық. Әрбір жиын сайын үйдің қолданысқа берілетін мерзімінің қайта-қайта шегерілуінен мезі болған салымшылар, 2 аптадан кешіксе заңға қайшы әрекеттерге барамыз деп отыр. Яғни, пәтеріміздің есігін бұзып кіруге дайынбыз дейді.
— Бізде де кризис. Оны ешкім түсінбейді. Енді біз өзіміз осында кірмесек, далада қалатын жағдайға келіп отырмыз. ертең пәтерден шығарып жатыр. Өйткені төлейтін шамамыз жоқ.
— Үй жылу маусымына дейін толықтай беріледі. Яғни, қазанның 15. Сондықтан ешкімнің ешқандай қобалжудың керегі жоқ. 15 қазанда өткізіледі.
WhatsApp: +7 705 717 9113
