Астанаға Владимир Путин келді

31 мамыр 2016, 12:28

Ресей президенті Владимир Путин Жоғары Еуразиялық экономикалық кеңестің отырысына қатысу үшін Астанаға ұшып келді деп хабарлайды kaz.365info.kz.

Бүгін Астанада Еуразиялық экономикалық одаққа (ЕАЭО) мүше Қазақстан, Ресей, Беларусь, Армения және Қырғызстан елдерінің басшылары интеграцияны дамыту келешегін, оның ішінде газ, мұнай және мұнай өнімдерінің ортақ нарығын құруды талқылау үшін бас қосып жатыр.

Кеңес отырысы шағын және кеңейтілген құрамда өтеді. Тараптар бірлескен құжаттарға қол қояды деп күтіледі.

Кеңес аясында Астанада Қазақстан президенті Нұрсұлтан Назарбаев пен Ресей президенті Владимир Путиннің екіжақты кездесуі де жоспарланған.