Әскерге кейін барғың келмесе, SMS жаз!

Бұдан былай еліміздегі колледждерде оқитын студенттерге отан алдындағы борышын өтеуге шақырту қағазы келсе, SMS жолдау арқылы шақыртуды кейінге шегере алады.

«Оқу-ағарту министрлігі мен мемлекеттік органдардың ақпараттық жүйелерін интеграциялау нәтижесінде 2023 жылдың наурыз айынан бастап колледж студенттеріне проактивті форматта SMS жолданады. Күндізгі оқу нысанындағы колледж студенттеріне әскери қызметке шақыруды кейінге қалдыру оқу аяқталғанға дейін беріледі. Ол Оқу-ағарту министрлігінің Ұлттық жалпы білім беру деректер базасынан расталады және соның негізінде SMS арқылы кейінге қалдыру немесе әскерден босату рұқсаты беріледі», – деді мемлекеттік қызметтерді цифрландыру және автоматтандыру департаментінің директоры Азат Тиштыбаев.
Колледждерде әскерге шақырту жасына жеткен студенттердің саны 118 мыңға жуықтайды екен.

JQ-Aqparat