Арыстанбек Мұхамедиұлын қамауда ұстау мерзімі қайта ұзартылды

ҚР Ұлттық музейінің бұрынғы директоры Арыстанбек Мұхамедиұлын қамауда ұстау мерзімі тағы бір айға ұзарды, деп хабарлайды ҚазАқпарат тілшісі Астана қалалық сотының баспасөз қызметіне сілтеме жасап.

«17 қаңтарда Астана қаласының мамандандырылған ауданаралық тергеу соты күдікті А. Мұхамедиұлына қатысты қамауда ұстау шарасының мерзімін бір айға ұзартты», — делінген елорда сотының хабарламасында.

Еске салайық, былтыр 29 мамырда Арыстанбек Мұхамедиұлы бюджет қаражатын жымқырды деген күдікпен қамауға алынды.

Анкитор ұлттық музейдің бұрынғы басшысына «Алтын адамның әлем музейлеріне шеруі» халықаралық көрмесін өткізу жөніндегі мемлекеттік сатып алу туралы шарт аясында 146 миллион теңге сомасында бюджет қаражатын жымқырды деген айып тақты.