Америкада өзбек жігітін атып өлтірді

Американың Мэриленд штатында 2 қазан күні кешке Сардор Файзиев есімді 18 жасар өзбек ұланы қаза болды.

Сол күні кешке Сардор екі досымен бірге өз көлігінде отырған. Кенет оларға бейтаныс қара түсті жігіттер келіп, өзбек жігітінің басынан тапаншамен атып кетеді.

Сардор соңғы жылдары АҚШ-та тұрып, оқыған. Franklin High School-де білім алған. Ал отбасы Америкаға 2006 жылы қоныс аударып, Мэрилендте тұрып жатқан көрінеді. Сардор отбасындағы жалғыз ұл болған. Оның соңында енді ата-анасы және екі қарындасы қалды.

Басылымның мәліметінше, баланың басына оқ тигеннен кейін оның бір досы полицияға қоңырау шалып, хабар берген. Оқиға болған жерге полициямен бірге «жедел жәрдем» көлігі де келген. Дәрігерлер баланы ала кетіп, Мэриленд университетінің ауруханасына апарған. Мұнда жеткізілгенде жігіт әлі тірі болған. Бірақ қайта есін жия алмай, жантәсілім еткен.

Полиция қылмыстың ізін суытпай, Сардорға шабуыл жасағандардың бірін ұстады. Енді алған екі қылмыскерді іздестіріліп жатыр.

Детективтер алдымен Брайан Лионель Гонсалес есімді қылмыскерді анықтаған.

Баланың ата-анасы Сардордың мәйітін отанына апарып, Ташкентте жерлеуге шешім қабылдапты.

baq.kz