Алтын орданың бұрынғы басшыларына халықаралық іздеу жарияланды

Бұған дейін де басынан дау арылмаған, еліміздегі ең ірі сауда орталығы саналатын «Алтынорда» базарының бұрынғы басшыларына халықаралық іздеу жарияланды деп хабарлайды JQ-Aqparat.

Былтырғы жылдың соңынан базардың айналасына төрт бірдей ер адамның суреті ілініп, іздеу жарияланғаны хабарланған болатын. Олар ірі көлемде алаяқтық жасады деген күдікке ілініп отыр. Алматы облысы, Қарасай ауданының криминалды полиция бөлімінің қызметкерлері іздестіруде. Алматы облыстық полиция департаменті күдіктілердің төртеуіне халықаралық іздеу жарияланғанын растады. Алматы облыстық полиция департаментінің баспасөз қызметі «Криминалдық полиция қызметкерлері 1982 жылы туған Данияр Әбдіғапаровқа халықаралық іздеу жариялады. Ол Қылмыстық кодекстің 190-бабы, яғни «алаяқтық» бойынша қылмыс жасады деген күдікке ілінді, сондай-ақ криминалдық полиция қызметкерлері 1982 жылы туған Жұмадин Патовқа, 1984 жылы туған Қанат Жақаевқа халықаралық іздеу жариялады. Олар қылмыстық кодекстің 190-бабы, яғни «алаяқтық» бойынша қылмыс жасады деген күдікке ілінгенін» хабарлады.