Алтын іздеп ажал құшты

Бестөбе кен орнында екі адамның мәйіті табылды деп хабарлайды JQ-Aqparat Polisia.kz-ке сілтеме жасап.

Медиа-порталдың жазуынша, екі адам Бестөбе шахтасына заңсыз жолмен алтын іздеуге кірген болуы мүмкін. Бестөбе ауылының 1986 жылы туған тұрғыны мен Степногорск қаласының 33 жастағы тұрғынының денесі үйіндінің арасынан табылған.

«Заңсыз алтын іздеуге кірген куәгердің айтуынша, ер адамдардың денелері үйілген кендердің астынан табылыпты. Кейін өзге іздеушілердің көмегімен сыртқа шығарылған. Қазіргі таңда іс қылмыстық кодекстің 269-1-бабы 3-бөлігі (Қорғалатын объектіге заңсыз кіру) бойынша сотқа дейінгі тергеп-тексерулердің бірыңғай тізілімінде тіркелген. Тергеу жалғасып жатқанын» хабарлады Polisia.kz.