Альпінің «ашуы»: көшкен қар көп адамның өмірін қиды

Альпі тауларында қар көшкіні жиілеп, туристердің өміріне қатер төндірді. Өткен демалыс күндері Аустрия, Италия, Швейцария аумағына қарайтын Альпі тауларындағы шаңғы курортында қар көшкіні жүріп, 13 адам қаза тапты. Әлі де қар астында көміліп қалған туристерді іздеу жұмыстары жүргізіліп жатыр.

ВВС агенттігі жауған қардың қалың түсуі қатерді күшейткенін хабарлады. Аустрия елі мен Италияның солтүстігі саналатын Тироль аймағында шаңғы тебушілерге рұқсат етілген жолдан шықпау қатаң ескертілді. Қар көшкінінің астында қалған туристердің басым көпшілігі ескертуді ерен санамай қауіпті аймақтарда сырғанаймын деп ажал құшып отыр. Соқыр тұман түсіп, күннің күрт суытуы да құтқарушылардың қызметіне кедергі келтіріп жатыр. Үш елдің құтқару қызметі Альпіге келіп шаңғы тебушілерге қауіпсіздік ережесін қатаң сақтану қажеттігін ескертіп, дабыл қақты.

JQ-Aqparat